Ришат Фазлыйәхмәтов сәхнәдән китә

Ришат Фазлыйәхмәтовның сәхнәдән китү теләге белдергән иде, «Менә бу яңа концерт программамны тиешенчә итеп әзерләп, клиплар төшереп карыйм да, халыкка кирәк булмый икән – икенче елга тулысынча эстрададан китәргә ниятлим», дигән иде ул.

Күрәсең, ул үзен халыкка кирәк түгел дип тапкан, Ришат чыннан да сәхнәдән китәргә булган. Бу хакта ул үзенең инстаграмында язып чыкты. « Хөрмәт иткән, яраткан тамашачым! Сәхнәдән китәм дигән сүзем дөрес! Минем белән бергә булганыгыз өчен , хөрмәтегез өчен рәхмәтемне белдерәм! Рәхмәт сезгә!» дип яза ул.

Ришатның язылучылары бу сынаулар алдында бирешмәскә кушалар, «Артист тормышы авыр икәнен беләм, бөтенләй ташламагыз, бигрәк моңлы тавышыгыз», дип язалар аңа. Җырчы Вадим Захаров та «Ришат брат, алай ярамый, давай сынма әле син! Җырла, сине тамашачы ярата!» дип комментарий калдырган.

Автор: Г.Хәлиуллина

Посмотреть эту публикацию в Instagram

Алда куп концертлар калмады,рәхмәтемне белдерәм.Кемннәр минем белән булды барыгызга да рәхмәт.#ришатфазлиахметов

Публикация от Ришат Фазлыйәхмәтов? (@rishat_fazliakhmetov_official) 17 Мар 2019 в 7:58 PDT