Роза Яппарова: «Мәктәптә фән буларак татар теле укытылса, театрга җиңелрәк булыр иде»

         Бүген Татар-информ мәгълүмат агентлыгында «Әкият» курчак театрының 85 сезон премьераларына багышланган матбугат конференциясе узды. Журналистларны театр директоры Яппарова Роза Сәетнур кызы, баш режиссер Зиннуров Илдус Насыйх улы һәм театрның алдынгы артистлары сәламләде.

         Театр директоры 2019 елның төп премьералары белән таныштырды, шулай ук Яңа ел тамашалары башлануы хакында хәбәр итте. 19 декабрьдән – 2019 елның 8 гыйнварына кадәр театрда нәни тамашачылар өчен «Яңа ел феериясе» дип исемләнгән бәйрәм тамашалары узачак.

         Күптән түгел «Әкият» театры репертуарына кагылышлы татар теле мәсьәләсендә куерган бәхәс буенча да Роза Сәетнур кызы үз фикерен әйтте. Театрда татар спектакльләре күбрәк булсын өчен татар теленең мәктәптә укытылуы кирәк, дип белдерде ул. «Театр – телне өйрәнүдә зур роль уйный, ләкин театр гына бу проблеманы хәл итә алмый. Мәктәптә дә фән буларак татар теле укытылса, театрга җиңелрәк булыр иде».

         Театр артисты Юрий Чуткиев, бу фикерне дәвам итеп: «Татар телен саклап калырга тырышабыз. Татар төркеменең спектакльләре берсеннән-берсе яхшы тәрбия чарасы», – дип өстәде. Шулай булса да, театрның баш режиссеры рус спектакльләренә кызыксыну күбрәк булуын искәртте. Хәтта театрга балалары, оныклары белән еш йөрүче дәүләт җитәкчеләре дә күбесенчә рус спектакльләрен сайлый, дип гаҗәпләнде ул.

 

Автор: А.Галимова

Фото: Алсу Габдуллина

Иң мөһим һәм кызыклы язмаларны Татмедиа Telegram-каналында укыгыз


Ошый
307
0
0
Комментарийлар (0)
Cимвол калды:
«Минем хәлләр җырларлык түгел»
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы