«Сәләт» татар Википедиясенә мәгълүмат язу өчен студентлар әзерли

«Сәләт ВикиМәктәбе» КФУ студентлары белән очрашу үткәрде.

 «Сәләт ВикиМәктәбе» татар телле Википедиягә мәгълүмат язучылар әзерли. Шул максаттан, мәктәп җитәкчесе Тимерхан Шәйхетдинов КФУның Филология һәм мәдәниятара багланышлар институты студентлары белән очрашты.

Әлеге проект 2016 елдан гамәлгә кертелгән. Тимерхан Шәйхетдинов «ВикиМәктәп» белән таныштырды, Габдулла Тукай исемендәге Татаристика һәм тюркология югары мәктәбенең беренче курс студентларын дүрт төркемгә бүлеп, бәйге рәвешендә проектның беренче биремен уздырды. Уеннан соң иң актив студент истәлекле бүләк иясе дип табылды.

Бу хакта тулырак: татар-информ