«Сезнең театр – иң күп парлы артистлар театры»

Театр йөрәкләрне кавыштыра. Габдулла Кариев исемендәге Казан татар дәүләт яшь тамашачы театры артистлары гаилә корырга булганнар.

Сәхнәдә бергә образ иҗат итүче Наилә Кәримова һәм Илнар Низамиев күптән түгел никах укыттылар. «Ооо, котлыйм! Бәхетле булыгыз! Сезнең театр иң күп парлылар театры бугай», «Котлыйбыз, бәхетле булсыннар», «Котлыйбыз! Ак бәхетләр телибез!» – дип котлыйлар яшьләрне Кариев театрының инстаграмында. 

Без дә яшьләрне ихлас күңелдән кавышу көне белән тәбриклибез! Мәхәббәт уты гомергә сүрелмәсен. Бәхетле булыгыз!