«Шул җүләрнең акырганын тыңларгамы?»

Эстрада артистлары тамашачы фикеренә һәрвакыт игътибар итәргә тырышалар. Тәнкыйть сүземе ул, мактаумы – профессиональ артист һәр икесен дә кабул итә белергә тиеш.

Татарстанның атказанган артисты Фирдүс Тямаев Инстаграм тасмасында бер тамашачысының фикере белән уртаклаша (Текст үзгәртелмәде – А.Г.): «Мин сезнең концертыгызга беренче тапкыр бардым, күзем акайды, я в шоке. Мине чакыралар иде концертка, «Вы что, шул җүләрнең акырганын тыңларгамы?» – дип әйтә идем. Әмма хитларыгызны яратып тыңлый идем. Хәзер мин сезне просто люблю», – дип язган автор. Шулай ук Фирдүс калган тамашачыларга сорау бирә: «Болай уйлаучылар бармы?»

«Бар, нишләп булмасын. Әмма сезнең концертыгызга барып кайткач минем фикер үзгәрде», дип язалар җырчыга комментарийларда.