Өстәмә көннәрдә БДИ бирү өчен нинди профильләрне күбрәк сайлаганнар?

Рус теле һәм профильле математика 2018 елдагы БДИның өстәмә көннәрдә бирелә торган чорының иң күп сайланган имтиханнары булачак, дип хәбәр итә Татарстан Мәгариф һәм фән министрлыгы матбугат хезмәте.

Өстәмә көннәрдә имтиханны узган елларның чыгарылыш сыйныф укучылары һәм шулай ук мәҗбүри фәннәрнең берсеннән (рус теле яки математика) канәгатьләнмәслек билге алган яисә нигезле сәбәп аркасында имтиханда катнаша алмаган агымдагы елның чыгарылыш сыйныф укучылары бирә ала, диелгән әлеге хәбәрдә.

Өстәмә көннәрдәге география буенча имтиханга 3,2 меңгә якын катнашучы теркәлгән. Информатика буенча имтиханга 6,5 мең катнашучы теркәлгән. Имтихан нәтиҗәләре катнашучыларга 5нче июльдән дә соңга калмый тапшырылачак.

25 июньдә өстәмә көннәрдәге БДИ база һәм профиль дәрәҗәсендәге математика фәненнән узды. База дәрәҗәсендәге математика буенча имтиханга 4,5 меңнән артык катнашучы теркәлгән. Ул 78 төбәктә 816 имтихан бирү пунктында узачак. Профильле математика буенча имтиханга 30 меңгә якын катнашучы теркәлгән. Имтихан барлык төбәкләрдә дә 924 имтихан бирү пуктында узачак. База һәм профиль дәрәҗәсендәге математика фәненнән имтиханда катнашучылар үзләренең нәтиҗәләрен 10 июльдән дә соңга калмый белә алачак.

Рус теленнән өстәмә көннәрдәге БДИ 26 июньдә уза. Имтиханга 30 меңнән артык катнашучы теркәлгән. Имтихан Россиянең барлык төбәкләрендә дә 956 имтихан бирү пуктында узачак. Имтихан нәтиҗәләре катнашучыларга 11 июльдән дә соңга калмый тапшырылачак.

Химия, тарих, биология фәннәреннән өстәмә көннәрдәге БДИ 27 июньдә узачак. Химия буенча имтиханга 7,1 меңнән артык катнашучы теркәлгән. Имтихан Россиянең 84 төбәгендә 609 имтихан бирү пуктында узачак.

Тарих фәне буенча имтиханга 12,5 мең катнашучы теркәлгән. Имтихан Россиянең барлык төбәкләрендә дә 703 имтихан бирү пуктында узачак. Биология буенча имтиханга 9,1 меңнән артык катнашучы теркәлгән. Имтихан Россиянең барлык төбәкләрендә дә 689 имтихан бирү пуктында узачак. Имтихан нәтиҗәләре катнашучыларга 11 июльдән дә соңга калмый тапшырылачак.

Чит телләрдән имтиханның язма өлешен – 27 июньдә, ә телдән булган өлешен 29 июньдә бирергә мөмкин. Чит телләр буенча имтиханга 8,7 меңнән артык катнашучы теркәлгән. Имтихан нәтиҗәләрен катнашучылар 12 июльдән дә соңга калмый белә алачак.

Рус әдәбияты, физика, җәмгыять белеме буенча өстәмә көннәрдәге БДИ 28 июньдә узачак. Җәмгыять белеме буенча имтиханга 19,6 меңнән артык катнашучы теркәлгән. Имтихан Россиянең барлык төбәкләрендә дә 709 имтихан бирү пуктында узачак. Физика фәне буенча имтиханга 10,3 меңгә якын катнашучы теркәлгән. Имтихан Россиянең барлык төбәкләрендә дә 656 имтихан бирү пуктында узачак. Рус әдәбияты буенча имтиханга 7,7 меңгә якын катнашучы теркәлгән. Имтихан Россиянең барлык төбәкләрендә дә 633 имтихан бирү пуктында узачак. Имтихан нәтиҗәләре катнашучыларга 11 июльдән дә соңга калмый тапшырылачак.

БДИның өстәмә көннәрдә бирелә торган чоры 2 июльдә барлык фәннәрдән имтихан тапшыру өчен өстәмә көн белән төгәлләнәчәк. 

татар-информ

Иң мөһим һәм кызыклы язмаларны Татмедиа Telegram-каналында укыгыз


Ошый
326
0
0
Комментарийлар (0)
Cимвол калды:
«Син җырла, ләкин Хәмдүнә кебек җырлама...»
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы