“Студентлар лигасы”ның яңа президенты сайланды

Руфат Кыямов КФУ командасының иң көчлесе булуын билгеләп үтте.

УНИКСта Казан федераль университеты студенты Руфат Кыямов “Студентлар лигасы”ның алтынчы президенты итеп сайланды.

Лигада барлыгы 405 делегат катнашты. 46 делегат үз тавышын - Александр Увакинга, 94е – Азат Кашаповка һәм 205 кеше Руфат Кыямовка бирде. Күпчелек тавыш белән Руфат “Студентлар лигасы”ның алтынчы президенты итеп билгеләнде. Александр Увакин бу сайлау вакытында көндәшләре белән бер командага әверелгәннәрен әйтеп китте. Александр, кул биреп, Руфатны тәбрикләде һәм алга таба да уңышлар теләде.

Руфат Кыямов үз чыгышында команадасының бик көчле булуын белдергән иде."Татар-информ" агентлыгы хәбәрчесенә ул җиңүенең төп сәбәбе дә шул булуын әйтте. "Бу залда булмасалар да, әти-әни, энем һәм сеңлем дә гел янымда кебек. Алар миңа һәрвакыт ярдәм иттеләр. Иң зур рәхмәткә гаиләм лаек. Алга таба - минем икенче йортыма әверелгән уку йортым. Алар белән зур эш башкардык", - диде ул. 

Руфат элек “Студентлар лигасы”н яшьләр оешмасы итеп кенә кабул итүен әйтте. "Ләкин хәзер, курыкмыйча, “Минем командам!” дип әйтә алам. Барлык лига вәкилләре зур роль уйнады, һәрбер тавыш мөһим булды, җиңүебез – уртак. Беренче чиратта, республикабыз студентларына рәхмәт белдереп, алар өчен тырышасым килә. Студентлар тормышы тагын да үссен, биеккә күтәрелсен. Миңа күпме кеше, ышанып, тавыш биргән. Мин чиксез бәхетле. Бердәм булып эшләрбез, дип өметләнәм", - ди ул.

Зөлфия Хәсәнова

Фото: Илнар Тухбатов

татар-информ

Иң мөһим һәм кызыклы язмаларны Татмедиа Telegram-каналында укыгыз


Ошый
376
0
0
Комментарийлар (0)
Cимвол калды:
Гөлназ Асаеваның хәле начарайган
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы