Танылган татар меценаты Нигъмәтулла Кармышаков хакында Төмәндә фильм төшерәләр

(Казан, 13 апрель, "Татар-информ"). Танылган татар меценаты Нигъмәтулла Кармышаков хакында Төмән өлкәсе Төмән районында тарихи фильм төшереләчәк. Әлеге максатка Төмән өлкәсе татар милли-мәдәни автономиясе грант откан. Бу хакта Төмән районы хакимияте мәгълүмати сәясәт һәм мәгълүматлаштыру идарәсе хәбәр итә. 

II гильдияле сәүдәгәр һәм меценат Нигъмәтулла хаҗи Сәйдуков-Кармышаков XIX гасыр азагында себер татарларына белем бирүдә зур өлеш керткән шәхес. Ул Ембай авылында мәчет һәм мәдрәсә салдыра. Әлеге мәчет 1884 елда салына башлый. Төзелеш материалларын Россиянең төрле шәһәрләреннән кайтарталар. Мәчет янында  Нигмәтулла хаҗи мәдрәсә генә түгел, китапханә, кунакханә, студентлар өчен йорт, ашханә төзетә. 

XIX гасыр азагында Ембай авылында янгын чыгып, ярты авыл янып беткәннән соң, авылдашлары өчен Нигъмәтулла Кармышаков үз акчасына 176 йорт төзетә һәм йортсыз калучыларны шунда яшәргә кертә. 

Моннан тыш, хаҗиның Себергә Мөхәммәд Пәйгамбәрнең чәч бөртеген алып килүе дә мәгълүм.

татар-информ

Фото: соцсети

Иң мөһим һәм кызыклы язмаларны Татмедиа Telegram-каналында укыгыз


Ошый
295
0
0
Комментарийлар (0)
Cимвол калды:
Гөлназ Асаеваның хәле начарайган
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы