Логотип
Хәбәрләр

Татар китапларын “Лабиринт”та сата башладылар

(Казан, 5 июнь, “Татар-информ”). Татарстан китап нәшрияты китапларын “Лабиринт” интернет-кибетендә сата башладылар.  “Лабиринт”та Татарстан тарихы һәм мәдәнияте турында 30 исемдәге китап, шулай ук ук...

(Казан, 5 июнь, “Татар-информ”). Татарстан китап нәшрияты китапларын “Лабиринт” интернет-кибетендә сата башладылар. 

“Лабиринт”та Татарстан тарихы һәм мәдәнияте турында 30 исемдәге китап, шулай ук уку әсбаплары һәм балалар өчен китаплар сатып алып була.

Әлеге интернет-кибеттән Габдулла Тукай китапларын, аерым алганда “Шүрәле” һәм “Су анасы”н сатып алырга мөмкин.

Моннан тыш сайтта татарлар тарихыннан Раил Фәхретдиновның “История татар”, Алла Сальникованың “Татарская "Алифба": история и современность” басмалары бар.

Берничә басма Казан архитектурасына багышланган. Владимир Курашовның “Деревянная архитектура старой Казани”, Равил Айдаровның “Казанский деревянный дом XIX – нач. XX века в акварели и графике” бкитапларын да биредә алып була.

Татарстан китап нәшрияты һәм “Лабиринт” хезмәттәшлеге татар авторлары иҗатын таныту максатыннан алып барыла.

  • “Лабиринт” интернет-кибете Мәскәү һәм, тулаем алганда,  Россиядәге әйдәп баручы кибетләр өчлегенә кергән. Ул кулланучыларга меңләп җитештерүчедән 200 меңнән артык товар тәкъдим итә.

татар-информ

Следите за самым важным и интересным в Telegram-каналеТатмедиа

Комментарий юк