Татар яшьләре милли проектларга акча җәлеп итү ысулларын өйрәнәчәк

(Казан, 5 февраль, “Татар-информ”). 10 февральдә “Милли проектларга ресурс җәлеп итү юллары” темасына багышланган чираттагы “Акыл фабрикасы” мәктәбе узачак. Бу хакта “Татар-информ” мәгълүмат агентлыгына Бөтендөнья татар яшьләре форумыннан хәбәр итәләр.

Чара лаборатория форматында үтәчәк. Теория өлешеннән соң, гамәли биремнәр биреләчәк. Спикерлар үз чыгышларында этник-мәдәни проектларны булдыру алгоритмнары турында гына түгел, аларга акча җәлеп итү юллары, гамәлгә куярга ярдәм иткән төрле конкурслар, республикакүләм һәм федераль грантлар, башка ресурслар турында сөйлиячәк.

Программада түбәндәгеләр каралган:

10:00-10:30 ”Милли проект нәрсә ул?”. Максатлар һәм ачык фикер алышу;

10:30-11:15 "Милли проектларга федераль грантлар, бәйгеләр һәм республика ярдәме".  Руфия Мөхәммәдеева, Татарстан яшьләр оешмасы Советы рәисе урынбасары;

11:15-13:15 Лаборатория. Грантка гариза тутыру;

13:15-14:00 Тәнәфес. Төшке аш;

14:00-16:00 “Татарча фандрайзинг яки милли проектлар өчен акчаны Тукай җыячакмы?” Илшат Сәетов, Россия Фәннәр академиясе Көнчыгышны өйрәнү институтының фәнни хезмәткәре, сәясәт фәннәре кандидаты;

16:00-16: 45 “Фонд оештыру тәҗрибәсе. Хәйрия”;

16:45-17:00 Нәтиҗәләр, грантларга кураторлар билгеләү.

Уздыру урыны: “Штаб”креатив индустрияләр резиденциясе (Татарстан урамы, 20а).

Былтыр көз узган "Акыл фабрикасы"ның чираттагысы “Татарча мәгариф: яңа караш” темасына багышланган иде. Аны "Татар-информ" агентлыгы онлайн күрсәтте.

татар-информ

Фото: Салават Камалетдинов

 

Иң мөһим һәм кызыклы язмаларны Татмедиа Telegram-каналында укыгыз


Ошый
286
0
0
Комментарийлар (0)
Cимвол калды:
«Синең кебекләр башка юк...»
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы