Татарстан прокуратурасы 8 сәүдә һәм күңел ачу үзәген ябуны таләп итә

(Казан, 23 апрель, “Татар-информ”, Гөлнар Гарифуллина). Татарстан Республикасы прокуратурасы суд аша 8 сәүдә һәм күңел ачу үзәген ябуны таләп итә. Бу хакта “Татар-информ” агентлыгына Татарстан прокуратурасы матбугат хезмәтеннән хәбәр итәләр.

Искәртеп үтик, Кемеровода 25 мартта “Зимняя вишня” сәүдә-күңел ачу үзәгендә булган фаҗигадән соң, Россия Федерациясе Генераль прокурорының беренче урынбасары Александр Буксман йөкләмәсе буенча, Россия территориясендә халык күпләп җыела торган урыннарда янгын куркынычсызлыгы буенча тикшерелүләр үткәрелә.

Татарстан прокурорлары Алексеевское бистәсендә дүрт катлы “Аляска” сәүдә үзәгендә янгын сүндерү системасы булмавын ачыклаган. Биектауда Советская урамында урнашкан ике катлы сәүдә йортында янгынга каршы сигнализация булмаган. Яшел Үзән районында “Березка” гипермаркетында янучан материаллар сакланган. Иске Шигали авылында “Пятерочка” кибетендә, проектны килештермичә, планировканы үзгәртеп корганнар. Балык Бистәсендә өч катлы “Чынгызхан” сәүдә үзәгендә эвакуация юллары ябык булган. Алабугада “БАТЫР Fitness” фитнес-үзәге файдалануга рөхсәтсез кертелгән. Яр Чаллыда исә, “Внебопарк” батут үзәгендә янгын турында игълан системасы куелмаган. Сарман районында Җәлил мәдәният йортында отделкада янучан материаллар кулланылган, ә агач корылмалар махсус состав белән эшкәртелмәгән.

Бу хилафлыклардан тыш, санап кителгән һәр объектта янгын куркынычсызлыгы кагыйдәләре бозылуның башка очраклары да ачыкланган. Прокурорларның таләпләрен район судлары якын арада караячак.

татар-информ

Иң мөһим һәм кызыклы язмаларны Татмедиа Telegram-каналында укыгыз


Ошый
259
0
0
Комментарийлар (0)
Cимвол калды:
Гөлназ Асаеваның хәле начарайган
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы