Татарстан районнарының мәдәни мирас объектлары каталогы булдырылган

(Казан, 19 апрель, "Татар-информ"). Бүген, 19 апрельдә, Татарстан Мәдәният министрлыгында мәдәни мирас объектларының электрон басмасын тәкъдим итү була. Бу хакта ведомствоның матбугат хезмәте хәбәр итә.

Каталогны әзерләү һәм бастыру “2014 – 2020 елларга Татарстан Республикасы мәдәниятен үстерү” максатчан программасын тормышка ашыру кысаларында башкарылган. Әлеге басма 2016 елга актуальләштерелгән Татарстан Республикасы административ районнарында урнашкан мәдәни мирас объектлары каталогы рәвешендә.

Тәкъдим итү Халыкара һәйкәлләр һәм тарихи урыннар көненә багышлана.

татар-информ