Татарстан театрлары «Алтын битлек»ле булды!

Татарстан театрлары «Алтын битлек» премиясенә ия булдылар. Җиңүчеләр: Кариев театрының «Рөстәм маҗаралары» спектакле жюриның махсус премиясенә ия булды. Камал театрының «Болганчык еллар. Мөһаҗирләр» спектакле «Иң яхшы спектакль» номинациясендә җиңде. Рәссам Марина Марьянич «Болганчык еллар. Мөһаҗирләр» спектакле өчен «Костюмнар эше буенча рәссам» номинациясендә премия алды. «Әкият» курчак театрының «Авиатор» курчак спектакле «Иң яхшы курчак спектакле» номинациясендә лауреат булды. Илгиз Зәйниев «Авиатор» спектакле өчен «Курчак театрында иң яхшы режиссер» номинациясендә премия алды. «Курчак театрында иң яхшы актер эше» номинациясендә Дилүс Хуҗәхмәтов җиңде.

TatNews Tatar