Татарстанда аномаль һава торышы саклана

Республиканың Гидрометеорология үзәге җитәкчесе Феликс Гоголь, алдагы өч көндә җылы булачак, явым-төшемнәр күзәтелми, дип хәбәр итте. Аның сүзләренчә, апрель ае өчен бу аномаль температура санала. Көндез республика территориясендә +14 +19 градус күрсәтсә, төнлә +0 +5 градус булуы көтелә.

Иртәгә 14 градуска кадәр җылытачак. Яз көткәндә, җәй килеп маташа диярсең.  

Һава температурасы нормадан өч градуска югарырак булачак, диде Феликс Гоголь. Пәнҗешәмбе көнне дә югары температура сакланачак.

Кисәк җылытып киткәндә, көчле ташулар булу куркынычы да бар. Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә безгә әлегә су басулар күзәтелмәвен әйттеләр. Күп кенә елгаларда су – 100 см га кадәр, ә Мишә, Кече Чирмешән һәм Актай елгаларында 2 метр­га кадәр күтәрелгән. Республиканың күпчелек елгалары һәм сулыкларында суның биеклеге күпьеллык уртача максималь һәм куркыныч күрсәткечләрдән түбәнрәк.

Куйбышев сусаклагычында суның биеклеге Югары Ослан торак пункты янында 7 сантиметрга күтәрелеп, 50,19 метр тамгасында туктап калган. Куркыныч зонага кадәр әле тагын дүрт метр бар.

Түбән Кама сусаклагычында – Чаллы шәһәре янында суның биеклеге 63,35 метр билгесенә җиткән, бу моннан алдагы күрсәткечләргә караганда 2 метрга биегрәк.  

Республика территориясендә кешеләр күпләп боз­га керә торган 96 урын контрольдә тотыла, шуларның 53е кулланыла.

Тулырак: Шәһри Казан

Фото: Город Казань KZN.RU

Иң мөһим һәм кызыклы язмаларны Татмедиа Telegram-каналында укыгыз


Ошый
264
0
0
Комментарийлар (0)
Cимвол калды:
«Синең кебекләр башка юк...»
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы