Татарстанда өченче тапкыр “Парк һәм скверларда Җиңү көе” исемле Республика акциясе үтәчәк

“Парк һәм скверларда  Җиңү көе” исемле Республика акциясе 6 майга  билгеләнгән. Фестиваль  Татарстан Мәдәният министрлыгы, Н.Г.Җиһанов  исемендәге Казан дәүләт  консерваториясе, “Яшь гвардия” Россия иҗтимагый оешмасы, Казанның парк һәм скверлар дирекциясе  тарафыннан үткәрелә. Быел ул өченче тапкыр оештырыла.

Җиңү паркында тынлы оркестр  чыгышлары  көндезге сәгать 12.00 дә башланып китәчәк.  Инструментларда уйнаучылар республиканың төрле  почмакларыннан килер дип көтелә: Казан, Әлмәт, Чаллы, Алабуга, Яшел Үзән, Азнакай һәм Сарманнан.

Музыкаль марафонда катнашырга теләк белдергән Казан шәһәре  төркемнәре арасында  Казан консерваториясе каршындагы  Махсус урта  белем музыка мәктәбе һәм Казан  музыка көллиятенең тынлы оркестрлары,  “Фантазия” джаз-оркестры һәм Болактагы Яшьләр театрының Камера оркестры бар.

Чарада төп игътибар  Бөек Ватан сугышы елларында  кешеләргә яшәргә һәм өмет утын сүндермәскә ярдәм иткән сугыш еллары  көйләре, фронт җырларына биреләчәк. Концерт программасына шулай ук эстрада һәм джаз композицияләре, оркестр  классикасы кертелгән.

Музыкаль программадан тыш, оештыручылар  “Яшь гвардия” һәм “Җиңү волонтерлары” иҗтимагый  оешмалары  катнашында  акцияләр үткәрергә планлаштыра. Фестиваль кунакларына “Правда” газетасының  1945 елның  9 нчы маенда дөнья күргән саны таратылачак. Паркка килүчеләр махсус стендта   ветераннар һәм ватандашларына теләкләр рәвешендә автографларын калдыра алачак. Фотога төшергә теләүчеләр өчен махсус фотозона да оештырыла. Тынлы оркестр  тавышларына биер өчен  дә шартлар булачак.

“Фестивальнең төп идеясе - яшьләргә  илебез тарихындагы әһәмиятле вакыйгалар турында бәян итү, һәлак булганнарны искә алу, бүгенге көндә янәшәбездә яшәүче сугыш ветераннарына ихтирам күрсәтү. Әлеге проект  республикадагы тынлы сәнгатьне популярлаштыруда да зур роль уйный”, -диде проектның авторы Мария Ватагина, ул үзе дә Казан консерваториясен тәмамлаган.

mincult.tatarstan.ru

Иң мөһим һәм кызыклы язмаларны Татмедиа Telegram-каналында укыгыз


Ошый
294
0
0
Комментарийлар (0)
Cимвол калды:
Күңелсез хәбәр: Хәмдүнә Тимергалиева вафат
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
21 сентябрь 2020 - 14:41
83
0
1
Без яраткан Шарапҗан
21 сентябрь 2020 - 13:06
164
0
3
«Кеше күрмәсә ярар иде моны...»
19 сентябрь 2020 - 15:46
327
0
2
Спорт – ул кәеф
16 сентябрь 2020 - 13:55
1036
0
1
Алсу Фазлыева өченче бәби көтә?
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы