Татарстанда көчле буран һәм кар көртләре булуы көтелә

(Казан, 23 гыйнвар, “Татар-информ” ). Татарстанда 23 гыйнварда 18.00 сәгатьтән 24 гыйнварның 18.00 сәгатенә кадәр көчле буран һәм кар көртләре булуы көтелә. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр иттеләр.

Татарстан Гидрометеорология һәм әйләнә-тирә мохитне күзәтү идарәсе фаразлары буенча 24 гыйнварда республикада урыны белән төнлә һәм көндез көчле кар явуы, буран һәм юлларда кар көртләре барлыкка килүе көтелә.

Казанда төнлә көчле кар явачак һәм шулай ук кар көртләре барлыкка киләчәк.

Гадәттән тыш хәлләр министрлыгының Татарстан буенча Баш идарәсе буран вакытында һәм көчле җил булганда таймый торган аяк киеме киеп, ашыкмый гына хәрәкәт итәргә киңәш итә. Өлкәннәргә урамда йөргәндә очлы махсус таяклар куллану яхшы булуын җиткерә. 

Буран һәм җилнең көчәюе юл хәрәкәтендә җитди куркыныч тудыра. Машина йөртүчеләргә кинәт кенә тормозга басу киңәш ителми. Туктарга кирәк булганда тизлекне әкренләп киметергә, тормозга басканда арттагы йөртүче күрсен өчен берничә тапкыр басып алып, кисәтергә кирәк.

Аеруча автомобильнең техник торышына, бигрәк тә тормоз системасына игътибарлы булу сорала. 

Мөмкинлек булганда ерак юлга чыгудан тыелып тору зарур.

татар-информ

Иң мөһим һәм кызыклы язмаларны Татмедиа Telegram-каналында укыгыз


Ошый
231
0
0
Комментарийлар (0)
Cимвол калды:
Гөлназ Асаеваның хәле начарайган
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы