Татарстандагы 28 юлдан тизлекне чикләү билгеләрен алганнар

 Татарстандагы 28 юлдан 70 км/сәг тизлекне чикләү билгеләрен алганнар. Бу турыда "Татар-информ" агентлыгына Татарстан ЮХИДИ хәбәр итте.

Экспертлар юллардагы аварияләрне анализлаганнан соң, тизлекне чикләү билгеләре куелган иде. 

Хәзерге вакытта чикләү билгеләре ике участокта гына калды. Казан-Малмыж трассасының 33 нче километрында, Казан-Шәмәрдән юлының 50 нче километрында тизлекне 70 км/сәг тән арттыру тыела.

Чикләү кертелгәннән бирле, бу юлларда бер кеше һәлак булган, алты кеше имгәнгән.

татар-информ