Татарстанга тагын якынча 35 яңа мәктәп кирәк

(Казан, 7 февраль, “Татар-информ”, Елена Кривопатре). Татарстанга тагын 35 кә якын яңа мәктәп кирәк. Бу хакта журналистлар белән очрашуда Татарстанның Төзелеш, архитектура һәм торак-коммуналь хуҗалыгы министры урынбасары Илшат Гыймаев җиткерде.

“Татарстан Мәгариф һәм фән министрлыгы мәгълүматлары буенча, республикага 35 кә якын мәктәп, шул исәптән унлап балалар бакчасы кирәк. Билгеле, әлеге мәсьәләне берьюлы чишү өчен бюджетта андый акчалар юк. Күп эшләр башкарыла, әмма эшлисе дә шактый әле”, - дип билгеләп үтте Илшат Гыймаев.

“Татарстанның эре шәһәрләрендә хәлдән чыгу өчен ике сменада укытыла. Нигездә, эре шәһәрләрдә дә һәм район үзәкләрендә дә инде урыннарга зур дефицит күзәтелми”, - дип җиткерде спикер.

Мәктәпләр һәм балалар бакчалары төзелешенә федераль бюджеттан 65 процентлап акча күчә, калган сумманы республика бүлеп бирә.

Быел тагын өч мәктәпне -  “Якты Үзәнлек”, “Салават Күпере” торак комплексларында һәм Минская урамында төзеп бетерү планлаштырыла.

татар-информ

Фото: minstroy.tatarstan.ru

 

Иң мөһим һәм кызыклы язмаларны Татмедиа Telegram-каналында укыгыз


Ошый
416
0
0
Комментарийлар (0)
Cимвол калды:
Зөлфирәне Алмаз җәберли?
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Минзәлә театры Сабир Өметбаев бюстын аның туган авылына бүләк итте
Реклама
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы