Теща в шоке: Данир Сабиров гаиләсе ишәйгән!

Популяр пародия остасы һәм оригиналь жанр артисты Данир Сабиров тормыш иптәше Миләүшә һәм кызлары Мәрьям һәм Дания белән үз йортлары белән торалар. Артистның Инстаграм челтәрен күзәтеп баручылар гаиләнең йорт хәйваннары белән дә күптән таныш. Сабировлар гаиләсендә Кемаль атлы эт һәм Кәшифә исемле мәче яши.

Күптән түгел Данир инстадусларын тагын бер эт белән таныштырды һәм аның Сабировлар гаиләсенә ничек килеп эләгүе турында сөйләде.

«Берәүләр авылдан шәһәргә, фатирга күченә. Этләрен кайда куярга белмиләр. «Берәр ай синдә торып торсын әле», – ди Кемальнең кинологы Алмаз.

Кыскасы, үзеннән-үзе килеп чыккан эт.

«Яра, бер ай торсын, аннан күз күрер», – дидем.

Әле бит төп проблема: Кемаль белән уртак тел табалармы-юкмы.

Кыскасы: киләчәктә бергә булулары бары тик үзләреннән тора. Бар да яхшы булса, Нихан (исемен үзгәрттек, Кляр иде) бездә калачак.

Яңа эткә өйдәгеләр шат. Кәшифә белән теща гына в шоке», – дип яза гаилә башлыгы.