Ялларны озайтыргамы, юкмы?

Пандемия шартларында Яңа ел каникулларын озайтырга кирәкми, чөнки бу очракта гражданнар ял көннәренең озынлыгыннан бик тиз файдаланып, чит илләргә чыгачак. Дәүләт Думасының сәламәтлек саклау комитеты рәисе урынбасары Сергей Леонов сүзләренчә, бу эпидемиологик хәлгә тискәре йогынты ясаячак. Әгәр россиялеләр чит ил курортларына барса, алар Россиягә вирусның яңа штаммын алып кайтырга мөмкин, диде Леонов һәм  өйдә калырга яки табигатькә чыгарга киңәш итте. Димәк, дуслар, каникулның соңгы берничә көне калды, аннары эшкә! Сезнең өчен күпме ул яки азмы 10 көн ял?