Юлларда мәхшәр: автобуслар хәрәкәте туктатылды

Юлларда штаттан тыш хәл килеп чыкканда 8 (843) 5 333 888, 8 (843) 2 919 174 телефоннарына шалтыратырга мөмкин.

Татарстанда һава торышы начарлану сәбәпле, шәһәрара автобуслар хәрәкәте туктатылды. Эчке эшләр министрлыгы матбугат хезмәте хәбәренә караганда, юлларда куркынычсызлыкны тәэмин итү максатларында, 8 декабрьдән һава торышы яхшырганчыга кадәр шәһәрара автобуслар йөрешенә чикләүләр кертелә. Бүген дә синоптиклар буран, көчле җил турында кисәтә. Җилнең тизлеге секундына 17 метрга җитә. Юлларда бозлавык һәм кар көртләре. Юхиди хезмәте ашыгыч булмаганда торак пунктлардан читкә чыкмаска чакыра. Юлларда штаттан тыш хәл килеп чыкканда 8 (843) 5 333 888, 8 (843) 2 919 174 телефоннарына шалтыратырга мөмкин.

Следите за самым важным и интересным в Telegram-каналеТатмедиа