Журналист Фәнис Фәтхи вафат

Бүген төнлә Уфа шәһәрендә журналист, «Яңа гасыр» телерадиокомниясенең Уфа корпункты җитәкчесе Фәнис Фәтхуллин вафат булды. Бу хакта «Татар-информга»га «Яңа гасыр» телерадиокомпаниясенең генераль директоры урынбасары Данил Гыйниятов хәбәр итте.

Фәнис Фәтхи телевидениегә 2002 елда килде. Аңа кадәр ул «Азатлык» радиосында, «Татар-информ»да, «Кызыл таң» газеталарында эшләгән иде.

Журналист буларак ул Фәнис Фәтхи псевдонимы астында танылган иде.  «Казанның 1000-еллыгы истәлеге» медале һәм башка бик күп Почет грамоталары, иҗади конкурс дипломнары белән бүләкләнә, берничә китап бастыра.

Журналист Фәнис Фәтхи белән бүген аның Уфадагы фатирында хушлашалар. Ул иртәгә туган ягы – Бүздәк районы Кәпәй-Кобай авылы зиратында җирләнәчәк.

Фәнүзә Сираҗиева

Фото: Татар-информ сайтыннан