"Сәйяр" республика балалар һәм яшүсмерләр театр фестиваленә гаризалар кабул ителә башлады

"Сәхнә” журналы булачак талантларны барлый.

1906 елда “Театр – безнең киләчәк көннәребез өчен файдалы һәм өмидле бер нәрсә” дип яза бөек Тукаебыз. Яшәешебезне тулаем буйсындырган техника заманында балаларның күңелләрен рухи яктан баету, милли тәрбия бирү уңаеннан, 2016 елда “Сәхнә” һәм “Салават күпере” журналлары һәм Татарстан Мәгариф һәм фән министрлыгы белән берлектә республикакүләм “Сәйяр” театр фестиваль бәйгесенә старт биргән иде. Әлеге бәйгедә мәктәп балалары гына түгел, шулай ук балалар бакчасында тәрбияләнүче нәни артистларыбыз да катнашты. Алар бу мәсьәләгә укучы абый-апаларыннан да житдирәк килгән дияр идек. Коллективларның милли составы да төрле, монда татар, рус, удмурт, әзәрбайҗаннар да бар.

Быел да “Сәйяр” үзенең асылташларын барларга старт алды. “Сәхнә” журналында фестивальдә катнашучылар өчен мастер-класс бара. Әлеге сәхифәне филология фәннәре докторы, театр тәнкыйтьчесе Әлфәт Закирҗанов алып бара. Журналдан фестиваль буенча яңалыкларны, үзегезне борчыган сорауларга җавапны таба аласыз. Театр, сәнгать дөньясына ишек ачучы “Сәйяр”гә рәхим итегез!

Иң мөһим һәм кызыклы язмаларны Татмедиа Telegram-каналында укыгыз


Ошый
468
0
0
Комментарийлар (0)
Cимвол калды:
Ринат Рахматуллин үлгән дигән хәбәр таралган
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы