Кариев һәм Тинчурин театрларының Мәскәү гастрольләре кичектерелә

Кариев һәм Тинчурин театрларының апрель аена планлаштырылган Мәскәү гастрольләре кичектерелә. Бу хакта театрларның матбугат үзәкләре хәбәр итә.
Тинчурин театры 1, 2 апрель көннәрендә булырга тиешле Мәскәү гастрольләрен көзгә күчергән.
Театр Мәскәүгә үзенең соңгы премьераларыннан икесен – Зөлфәт Хәкимнең «Акча бездә бер букча» һәм Салават Әбүзәровның «Хыялый» спектакльләрен алып барырга җыена иде. Спектакльләр 9, 10 ноябрьдә «Москонцертхолл» сәхнәсендә тәкъдим ителәчәк.
Кариев театрының 4-5 апрель көннәрендә буласы Мәскәү гастрольләрен 16-17 май көннәренә күчергәннәр. Театр бу гастрольләрен «Большие гастроли» программасы нигезендә оештыра иде.
Театр Мәскәүгә Гаяз Исхакый әсәре буенча куелган «Кәҗүл читек», Камил Кәримовның «Шәй-бу! Шай-бу!» һәм Туфан Миңнуллинның «Суперкияү» спектакльләрен алып бара.
Чыганак: Татар-Информ
Иң мөһим һәм кызыклы язмаларны Татмедиа Telegram-каналында укыгыз
-
3 октябрь 2023 - 09:23
-
2 октябрь 2023 - 11:15
-
1 октябрь 2023 - 11:46
-
30 сентябрь 2023 - 11:49
-
29 сентябрь 2023 - 16:27
-
28 сентябрь 2023 - 13:35
-
27 сентябрь 2023 - 13:37
-
26 сентябрь 2023 - 14:58
-
Минзәлә театры Сабир Өметбаев бюстын аның туган авылына бүләк итте