28 сентябрьдә Камал театрында Театраль тамашачы мәктәбенең яңа сезоны ачыла

28 сентябрьдә 19.00 сәгатьтә Г.Камал исемендәге Татар дәүләт Академия театрының Кече сәхнәсендә театраль тамашачылар өчен оештырылган "Камал мәктәбе"нең яңа сезоны ачыла. Мәктәпнең икенче сезонындагы беренче дәресе Р.Зәйдулланың Илгиз Зәйниев куелышындагы "Үлеп яратты" спектален карау һәм шул хакта фикер алышуга багышлана. Традиция буенча, фикер алышуда спектакльнең иҗат составы (автор, режиссер, артистлар), театр тәнкыйтчеләре һәм җәмәгать эшлеклеләре катнаша.

 «Камал мәктәбе” проекты 2018 елда ачылды. Узган сезонда 4 ай эчендә 8 дәрес үткәрелде, әлеге дәресләрдә 1000нән артык тамашачы һәм экспертлар катнашты.

 «Яңа сезонда без чынбарлык белән тыгыз бәйләнгән ләкин бер-берсенә бөтенләй охшамаган төрле спектакльләргә тукталачакбыз. Без мәктәпнең экспертлар өчен яу кыры булуын, артистлар өчен нәтиҗәләр ясау мөмкинлеге тудыруын, тамашачыларның спектакльне сәхнәдән караган кебек эмоцияләр кичереп каравын телибез. Без мәктәпнең һәр киче ачышларга бай булсын өчен тагын да үзенчәлекле һәм гадәти булмаган спектакльләр сайларга тырышачакбыз», - ди проектның кураторы Рәдиф Кашапов.

Спектакль турында:

Мөхлисә Бубый – беренче татар мөгаллимәләренең берсе, Россиянең мөселман дөньясында хатын-кызлар өчен иң беренче мәдрәсәгә нигез салучы һәм беренче хатын-кыз казый. Ул бөтен гомерен татар халкын мәгърифәтле итүгә, алдынгы караш тәрбияләүгә багышлый. Әмма Сталинның кансыз сәясәте бу фидакарь шәхесне дә аямый. НКВД төрмәләрендә җәзаланса да, атылуга хөкем ителсә дә халкына һәм диненә хыянәт итми ул. Кансыз тикшерүчеләрне кызганырга, сатлык дусларын кичерергә үзендә көч таба, аяусыз сәясәт адаштырган бу җаннарны Аллаһка мөрәҗәгать итәргә һәм бары тик аннан гына ярдәм сорарга өнди. Соңгы сәгатенә кадәр Мөхлисә Бубый үзенең рухи көченә һәм какшамас иманына таяна.

 

kamalteatr.ru

Фото - Рәмис Нәҗмиев

Иң мөһим һәм кызыклы язмаларны Татмедиа Telegram-каналында укыгыз


Ошый
282
0
0
Комментарийлар (0)
Cимвол калды:
Күңелсез хәбәр: Хәмдүнә Тимергалиева вафат
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
21 сентябрь 2020 - 14:41
103
0
1
Без яраткан Шарапҗан
21 сентябрь 2020 - 13:06
182
0
4
«Кеше күрмәсә ярар иде моны...»
19 сентябрь 2020 - 15:46
329
0
2
Спорт – ул кәеф
16 сентябрь 2020 - 13:55
1036
0
1
Алсу Фазлыева өченче бәби көтә?
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы