Айдар Галимов кечкенә оныгын күрсәтте

Кичә Татарстанның һәм Башкортостанның халык артисты Айдар Галимов кечкенә оныгын күрсәтте. Күпләр җырчының оныгын аңа охшаттылар.

«Бу оныгың бигрәк тә узеңә ошаган инде, дип әйттеләр бер көнне. Эй шатландым!

Еш кына каршы булып куям, кечкенә балаларны шулай бөтен кеше игътибарына куюга, тик менә бит әле үзем дә шул инстаграм эчендә, мин дә куйдым... Ничек кызларымны тиргим инде хәзер?..

Бу пандемияның иң уңай ягы безнең өчен – Сафия белән Самираның шушы көнгә кадәр яныбызда булуларыдыр. Көн дә диярлек аларның үсүләрен, һөнәрләр арттыруларын күрү- нинди зур бәхет, уземнекеләрнең ничек үскәнен күрми дә калганмын икән бит мин, чапканмын да чапканмын...

Киләчәк турында да еш кына борчылам, элек безнең өчен әти-әни, әби-бабалар борчыла иде. Менә безнең дә чират җиткән икән. Нинди заманда яшәрләр бу балалар, нинди илдә, нинди мирас калдырабыз без аларга?

Барысы да хәерле булыр дип өметләнәсе килә, Алла боерса. Исән-сау гына булсыннар, әти-әниләре аларны үзләре карап, тәрбияләп устерсеннәр берүк.

Ә сез ничек уйлыйсыз, дусларым, Самира чынлап та миңа ошаганмы?» – дип яза Айдар Галимов.

Иң мөһим һәм кызыклы язмаларны Татмедиа Telegram-каналында укыгыз


Ошый
2159
1
2
Комментарийлар (1)
Cимвол калды:
  • 26 сентябрь 2020 - 18:02
    Без имени
    Эйе сезгэ ошаган
«Минем хәлләр җырларлык түгел»
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы