Бала тапкан бер сез генә түгел!

Соңгы арада татар эстрадасы артистлары арасында челтәрле бизнес зур популярлык алды. Бигрәк тә пандемия чорында, күпләрнең концерт эшчәнлеге тукталып торганда, шушы өстәмә керем ысулы артистларыбызга ярдәмгә килде. Һәр хәлдә, үзләре шулай дип ышандыра.

Иҗади гаилә Алсу-Азат Фазлыевлар да күптән шушы системаны куллана. Алар тәкъдим иткән продукцияне кулланып, тиз арада ябыгып була ди. Билгеле, ул продукциянең могҗизалы «ябыктыру көче»нә ышанмаучылар саны да бихисап. 4 ай элек өченче тапкыр әни булган Алсу Фазлыевага да бу мәсьәләдә шактый тәнкыйть сүзләре ишетергә туры килә.

«Алсу, нишлисең син? Үзеңне карарга күптән вакыт», – дип язган җырчыга бер артык игътибарлы тамашачысы. Сөекле хатынын яклап, Азат Фазлыев «Сезнең бала тапканыгыз бармы?» – дип җавап язган. «Бала тапкан бер сез генә түгел, күпләр тапты. Үзегез тәкъдим иткән продукция белән ябыгу тиз, дип ышандырасыз бит», – дип өстәгән икенчесе.

Нишләтәсең бит, артист тормышы тоташ җыр-биюдән генә тормый шул. Тәнкыйтьне дә ишеткәләргә туры килә...

Иң мөһим һәм кызыклы язмаларны Татмедиа Telegram-каналында укыгыз


Ошый
710
0
0
Комментарийлар (0)
Cимвол калды:
«Хәрәкәттә – бәрәкәт» и «Сөйлә!»: 700 учащихся, 40 школ, 32 наставника, 20 занятий
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Минзәлә театры Сабир Өметбаев бюстын аның туган авылына бүләк итте
Реклама
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы