«Без бөек музыкантны югалттык»

Күңелсез хәбәр килеп иреште. Баянчы Айнур Фатыйхов вафат. Аңа нибары 37 яшь булган.

«Син мине күп нәрсәгә өйрәттең, син безгә җитмәячәксең. Иң яхшы күңелле, җитез, талантлы, безнең Тигр! Без бөек музыкантны югалттык. Безнең төркем сине ярата, юксына. Айнурның  якыннарының кайгысын уртаклашабыз», – дип яза мәрхүм турында Ришат Төхвәтуллин инстаграм битендә.

Ул Башкортстанның халык артисты, баянчы Халит Фатыйховның улы. Салават Фәтхетдинов, Айдар Галимов, Габделфәт Сафин белән дә эшләгән. 2007 елда сольный альбомын чыгарган булган.