«Что вы творите?!» – Иркәгә һөҗүм ясаганнар

Татар эстрадасында булган имеш-мимешләр хакында барысы да ишеткәндер, мөгаен. Көннән-көн низагка кагылышлы яңалыклар чыгып тора. Узган көнне яисә Иркәгә һөҗүм ясалганы турында билгеле булды. Элвин Грей да түзә алмады, үзенең фикерен халыкка җиткерде.

Иркә машинасының тәрәзәләрен ватып, тәгәрмәчләренә зыян китергәннәр. Радик әлеге җинаятьтән шок хәлендә калган. Ул җәмәгатькә инстаграм аша мөрәҗәгать итте. 

«Бу кешеләрдән киләчәктә нәрсә көтәргә?! Кичә Иркәнең өстәмә концертын уздырган вакытта Казанның «Уникс» концерт залында бомба салынуы турында аноним шалтырату булды... Ә бүген Иркәнең машинасына зыян китергәннәр. Нишлисез сез?!» – дип сорый Радик.

Радик хәбәр итүенчә, җырчының машинасына беренче генә тапкыр зыян китермиләр инде.