Данир Сабировка мөгез үскән?

Данир Сабировның хатыны Миләүшәне мәйтәм... Ай-яй... Икенче мужигы бар икән! Моның турында шушы көннәрдә Данир үзе хәбәр итте. Инстаграм бите аша. Дөрес, артык борчылмаган үзе. «Менә бу лада машинасы, минем хатынның икенче мужигының тимер аты. Исән-сау йөреп торсын, бик әйбәт кеше, кайвакытта миңа да биреп тора машинасын», ‒ дип ак төстәге ладаның капотын сыпырып куя Данир. Соң нәрсә әйтәсең инде монда ‒ позитив кешенең көндәше дә шәп кеше була инде аның. Бары ‒ бергә, югы ‒ уртак, янәмәсе. Афәрин, Данир, тормышка елмаюыңа бишле чәперлек. Ә сез күңелсезләнеп утырасыз тагын! Мөгезләрегез, мәйтәм, кәкре булып үсмәгәе тагын...

Гөлнара Җәлилова