Фазлыевлар күңелсез хәбәр җиткерә

Алсу Фазлыеваның әтисе вафат булган. Бу хакта җырчы инстаграм сәхифәсе аша хәбәр итә.

«Хуш, Әти!!! Син зур йөрәкле, бик ярдәмчел, бик тырыш, районның алдынгы, Татарстаннын Атказанган Техник хезмәткәре, безнең яраткан Әти идең! Бик иртә киттең! Кулдан килгәнгә барын да эшләдек... Урының жәннәт түрләрендә булсын», – дип яза Алсу.

Җырчы концертларны күңелсез хәбәр аркасында кичектерергә мәҗбүр булганны яза. 

«Сәхнә» журналы Фазлыевлар гаиләсенең кайгыйсын уртаклаша.  Мәрхүмнең туганнарына һәм якын кешеләренә сабырлык телибез.