Г.Камал театры танылган артистын югалтты...

Бүген 77 яшендә Россиянең атказанган артисты, Татарстанның халык артисты Хафизов Айдар Садри улы вафат булды. Бу хакта Галиәсгар Камал исемендәге Татар дәүләт Академия театрының матбугат үзәге хәбәр итә.

Театр коллективы мәрхүмнең якыннарының, туганнарының тирән кайгысын уртаклаша. «Ходай сезгә авыр хәсрәтегезне күтәрә алырдай көч, сабырлык бирсен! Җаны тыныч, урыны җәннәттә булсын», - дип язылган театрның рәсми аккаунтында.
Хушлашу мәрәсиме иртәгә 13.00 сәгатьтә Камал театры каршындагы мәйданда үтә.

Белешмә:

Ха­фи­зов Айдар Садри улы 1943 ел­ның 20 ма­ен­да Татарстанның Пит­рәч ра­йо­ны Күн авы­лын­да туа. 1970 ел­да Ка­зан те­атр учи­ли­ще­сын тә­мам­лый. Камал театрында эшли башлый, соңрак төр­ле урын­нар­да: 1971-1974 ел­лар­да Ле­нин исе­мен­дә­ге мә­дә­ни­ят са­ра­ен­да — ре­жис­сер, 1974-1975 ел­лар­да Кур­чак те­ат­рын­да — ад­ми­нист­ра­тор, 1975-1976 ел­лар­да фи­лар­мо­ни­я­дә — нә­фис сүз сөй­ләү­че, 1976-1978 ел­лар­да Рес­пуб­ли­ка күч­мә те­ат­рын­да (хәзер К.Тинчурин исемендәге театр) ар­тист бу­лып эш­ли. 1978 ел­дан — Та­тар ака­де­мия те­ат­рын­да. Төр­ле яшь­тә­ге һәм ха­рак­тер­да­гы об­раз­лар иҗат итә.

«Артист булу - зур җаваплылык ул». («Сәхнә» журналы, 2018 ел)