Гүзәл Сәгыйтова Кариев театры директоры вазыйфасыннан китә

Гүзәл Сәгыйтова Г. Кариев исемендәге Казан Татар дәүләт яшь тамашачы театры директоры вазыйфасыннан китә.

Татар-информ хәбәр итүенчә, ул бүген труппа белән соңгы очрашу уздырган. Шулай ук, театрның директоры буларак Луиза Янсуар билгеләнәчәк дигән имеш-мимешләр йөри.

Әлегә бу хәбәргә Гүзәл Сәгыйтова да, Луиза Янсуар да комментарий бирмәгән.

Исегезгә төшерик, Кариев театрына директор итеп Гүзәл Сәгыйтова 2018 елның сентябрендә билгеләнгән иде.