ИлГәрәй җырчы динозаврга әйләнгән (видео)

Җырчы Илгәрәй үзенең шәхси аккаунтында кызыклы пост урнаштырды, анда ул үзенең яшь чакларын искә төшереп язган. «Эх дуслар, бар иде яшь чаклар! Мин ИлГәрәй булып инде бит ничәме ничә еллар йөрим.

Иң элек иң беренче татар дискәтүкләрен кайсыларыгыз хәтерли. Вәт бар иде замана. Мин бит аларның хәрберсендә чыгыш ясыйсым килү хисе белән янып көеп йөри идем! Мине ул вакытта татар эстрадасының яшь җырчысы ИлГәрәй дип игълан итәләр иде. Күпме еллар үткән, күпме сулар аккан. Мин җырчы динозаврга әйләнеп барам.

Минем иҗатымны яратучы «динозаврлар» бармы?», дигән пост урнаштыра ул. Аңа төрле комментарийлар язалар, хәзер яхшырак күренәсең, дип язучылар да бар. Күбесе үзләренең дә яшь чакларын искә төшергәннәр, Илгәрәй белән төшкән фотоларыбыз да бар, дип язганнар.

Фото һәм видеоматериал җырчының шәхси аккаунтыннан алынды