Ильмира Нәгыймова: «Барысы да бушка, акча сорамыйм»

Җырчы Ильмира Нәгыймова сәхнәдә генә түгел, тормышта да тышкы кыяфәтенә зур игътибар бирә. Җырчының киемнәре, буй-сыны һәм чәчләре һәрвакыт каралган һәм күркәм. Кызыксынучан тамашачыларыннан Ильмирага чәчләрен карау буенча бик күп сораулар килә икән. Шундый тамашачылары өчен Ильмира «WhatsApp» кушымтасында матурлык сораулары буенча махсус төркем оештырган.

Биредә җырчы барлык серләре белән бүлешә, күрсәтә һәм тамашачылары белән аралаша. Соңгы арада һәрбер катнашкан җирдә акча сорау очраклары күбәйгәнгә Ильмира үз төркеменә керергә теләк белдерүче тамашачыларын алдан ук кисәтә: «Барысы да бушка, акча сорамыйм. Кем минем группага керәсе килә директка языгыз», – дип 16 яшьтән узган тамашачыларын төркемгә кушылырга чакыра җырчы.