Инстаграм белән ватсап эшләмәгәндә Зәмирә Рәҗәпова нишләгән?

Пәнҗешәмбе көнне фейсбук платформалары, шул исәптән инстаграм социаль челтәре һәм ватсап мессенджеры эшләмәде. Бүгенге заманада шактый кеше социаль челтәрләрне эш өчен даими куллана, ватсап буенча аралашуны өстен күрә.

Танылган алып баручы Зәмирә Рәҗәпова да инстаграм сәхифәсендә челтәрле бизнес, иҗади һәм шәхси тормыш темасын актив яктыртып бара. Инстаграм белән ватсап эшләмәгәндә Зәмирә Рәҗәпова нишләгән?

«Кичә суыткыч юылды, шкаф җыештырылды, гардеробта ревизия ясалды. Данил белән легодан өй төзедек, Камиләнең кечкенә киемнәрен, җәйге аяк киемнәрен аерып куйдым. Ваннаны юдым, әллә ниләр пешердем. Макысым белән сөйләшеп яттык, соңгы вакытта телефон белән йоклап китә идек.

Шундый рәхәт кич булды. Тагын кайчан сүндерерләр икән? Җәйге киемнәрне алып куясы, китаплар шкафын чистартасы, лифт артындагы кладовканы җыештырасы иде», – дип яза ул.

Фото: @zamira266