Камал театрының онлайн-спектакльләренә ике меңнән артык кеше билет алган

2 апрельдән башлап Галиәсгар Камал исемендәге дәүләт академия театры спектакльләренең онлайн-трансляциясен тәкъдим итте. Әлеге 114 сезон спектакльләрен 10 көн эчендә 2200 кеше артык караган. 

«Без һәр тамашачыны исәпкә алдык. Иң юмарт тамашачыбыз 3000 сум түләгән. Әлегә иң популяр спектакль - «Мәхәббәт FM». Бу тамашаның трансляциясенә 700дән артык кеше билет алган», – дип яза театрның мәгълүмат хезмәте.

Онлайн спектакльләр тамашачыларда зур кызыксыну уяткан. Аларның арасында Татарстаннан читтә торучылар да  шактый күп. Россия буенча: Мәскәү, Санкт-Петербург, Самара, Түбән Новгород өлкәсе, Чувашия Республикасында карасалар, чит илләр арасында – Германия, Финляндия, Бельгия һ.б.

«Әлеге проект үсешенә өлеш керткән һәркемгә зур рәхмәтебезне белдерәбез. Читтән дә без сезнең җылыгызны тоябыз! Сезнең ярдәм белән Республикабызда уникаль проектларны тормышка ашыру һәм үстерү мөмкинлеге туа. Иң юмарт тамашачыларны карантин үткәннән соң бонуслар көтә», – дип белдерә театр директоры Илфир Якупов.

Иң мөһим һәм кызыклы язмаларны Татмедиа Telegram-каналында укыгыз


Ошый
814
0
1
Комментарийлар (0)
Cимвол калды:
Синнән башка биш ел...
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Антикоррупция
Реклама
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы