Казан актрисасы Космонавтика көнен бәйрәм итүгә акча җыярга тәкъдим итә

«Анна Каренина» иммерсив шоу-спектаклендә катнашучы артистка Зәлинә Насыйрова Космонавтика көнен бәйрәм итү өчен акча җыерга тәкъдим итте. Бу хакта 25 мартта аның инстаграм битендә видеопост пәйда булды.

Видеода актриса Казан халкына Космонавтика көнен масштаблы бәйрәм итүне оештырырга чакырды. Зәлинә 12 апрель көне барыбызның өчен дә мөһим бәйрәм икәнен ассызыклады һәм башка милли бәйрәмнәргә кебек игътибар бирелмәвенә борчылды.

«Ни өчен Космонавтика көне онытылып бара торган бәйрәмгә әверелде? Кешенең космоска чыгуы – соңгы 100 елда бөтен кеше өчен иң мөһим булган вакыйга», – дип язган актриса видео астында.

Зәлинә уртак акция оештырып, үз көчебез белән бәйрәмне үткәрергә тәкъдим итә. Мәсәлән, акча җыеп, 12 апрельдә бәйрәм уңаеннан салют җибәрергә. Постта ул Татарстан массакүләм мәгълүмат чараларына аның идеясен хуплауларын сорап мөрәҗәгать итте, шулай ук барлык кызыксынучыларга акциягә кушылырга өндәде.