Хәния Фәрхи турында: «Бөтен акчасын ир-атларга биреп бетерде, үзенә кайтырлык та акчасы калмады»

Яраткан җырчыбыз Хәния Фәрхинең кинәт вафат булуына 27 июльдә 4 ел тула. Балалары, туганнары, дуслары бу хәл белән һаман да килешә алмый. Газетабызда «Хәния Фәрхи турында яңа истәлекләр» сәхифәсен башлагач, татарлар яшәгән төрле төбәкләрдә яшәүчеләр телефон, социаль челтәрләр аша Хәния турындагы хәтирәләре белән уртаклашалар. Бүген укучыларыбызга Башкортстанның Нефтекамск шәһәрендә яшәүче Гөлшат Мөбәрәкованың истәлекләрен тәкъдим итәбез.

– Хәния беркайчан да үзен аямады. Энесе Нурислам бик яшьли, үкенечле үлеп киткәч, Хәния кара кайгыларга батып йөрде. Шул хәлендә дә концертлар белән йөрергә җыена бу. «Кайтма, Хәния, бу халәтеңдә нинди концерт», – дим. «И, Гөлшат, үз хәлем авыр да соң, төркемем Яңа ел алдыннан бер тиен акчасыз кала бит. Аларның күзләренә ничек карармын?» – диде шунда. Гел шулай иң беренче чиратта төркеме, коллективы, туганнары, балалары, кода-кодагыйлары, дуслары өчен борчылды. Берсендә бөтен акчасын төркемендәге ир-атларга биреп бетерде, үзенә Казанга кайтырлык та акчасы калмады... Аның өчен кеше мәнфәгате һәрвакыт беренче урында булды, дип яза «Шәһри Чаллы»​​​​​​.

Иң мөһим һәм кызыклы язмаларны Татмедиа Telegram-каналында укыгыз


Ошый
4223
0
0
Комментарийлар (0)
Cимвол калды:
«Бөтенесе ишетсен!»: Иркә яңалыгы белән уртаклашты
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Минзәлә театры Сабир Өметбаев бюстын аның туган авылына бүләк итте
Реклама
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы