Курчак театрында – «ӘКИЯТ-BELEМ» проекты!

10 октябрь көнне Татар Дәүләт  «Әкият» курчак театры  масштаблы  уникаль «ӘКИЯТ-BELEМ»  мәдәни-мәгариф проекты тәкъдим итәчәк.

Бүгенге дөньяда – мәгълүмат технологияләре үсеш алган заманда – баланы китапка җәлеп итү шактый катлаулыга әверелә бара.  Күп ата-аналар балада китап уку теләген ничек уятырга дип баш вата. «ӘКИЯТ-BELEМ» проекты  даими рәвештә китаплар укырга, татар әдәбиятына, язучыларның иҗатына кызыксыну уятуны, балаларда сәнгать әсәрен тулы күләмдә кабул итү сәләтен үстерүне күздә тота. Проект кысаларында өч  форматтагы лекция-очрашулар планлаштырылган.

Беренче формат-автор катнашында яңа балалар китапларын тәкъдим итү. Татарстанның әйдәп баручы авторлары белән турыдан-туры аралашуы һәм хәзерге татар әдәбиятының иң күренекле вәкилләре белән танышу. Тамашачылар белән тере элемтә-авторга да, укучыга да үсеш өчен менә дигән стимул. Очрашу кысаларында шулай ук,  балалар өчен әдәби викториналар, китап күргәзмәләре һәм уеннар, танылган балалар язучылары әсәрләре буенча театральләштерелгән тамашалар оештырыла.

Икенче формат – «Татар балалар  әдәбиятының 30 Бөек әсәре»дигән лекцияләр циклы.

Өченче формат – Балалар психологлары белән лекцияләр.

«Әкият-BELEM» проектын тормышка ашыру барышында милли әдәбиятка игътибар җәлеп итүгә юнәлдерелгән 30га якын очрашу үткәрү планлаштырыла.

Беренче кичәдә Фәйрүзә Мөслимованың «Татарча Әлифба» китабы белән танышу булачак. 

Презентация үткәрү урыны: «Әкият» курчак театрының Кече залы. Башлана: 10 октябрь, 16-00 сәгатьтә. Керү бушлай. Әлеге чарада  катнашу өчен алдан Ekiyat-belem@yandex.ru почтасы аша теркәлү мәҗбүри.

Чакырылган кунакларга театр музеена бушлай керү мөмкинлеге булачак.

Чыганак: «Әкият» курчак театры

Иң мөһим һәм кызыклы язмаларны Татмедиа Telegram-каналында укыгыз


Ошый
626
0
0
Комментарийлар (0)
Cимвол калды:
«Илнарга карата авыр сүзләрегезне кабул итмим!»
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Световозвращающие элементы на одежде ребенка могут спасти ребенку жизнь
  • Световозвращающие элементы на одежде ребенка могут спасти ребенку жизнь
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы