Кыш бабай, QR-кодыңны күрсәт!

Яңа ел бәйрәмнәрендә Кыш Бабай һәм Кар кызы хезмәтләрен күрсәтүче аниматорларның коронавирустан вакцинацияләнү турында QR-кодлары булырга тиеш. Бу хакта Роспотребнадзор хәбәрендә әйтелә. Аниматорлар категориясе мәҗбүри вакцинацияләнергә тиешле затлар исемлегенә керә. Шул очракта гына хезмәт күрсәтү  балалар өчен куркынычсыз булачак.Татарстан буенча Роспотребнадзор хезмәткәрләре тикшерүләр үткәрәчәк. Элегрәк хәбәр ителгәнчә, республикада яңа ел чараларын уздыру форматы халыкны иммунизацияләүгә бәйле булачак.

Фото: pixabay.com