Ләйсән Гыймаева һәм Булат Бәйрәмов гаиләсендә шатлык

Җырчы Ләйсән Гыймаева белән танылган алып баручы Булат Бәйрәмовның олы кызлары Таңсылу музыка мәктәбен бетергән.

«Таңсылу музыка мәктәбен тәмамлап кызыл диплом алды. 2 мәктәптә параллель уку җиңел булмады, ләкин син молодец, максатыңа ирештең, кызым, укып бетердең!

Балаларыбыз уңышлары белән сөендереп торсын, исән-сау булсыннар», – дип яза Ләйсән Гыймаева.

Таңсылуны без дә котлыйбыз һәм уңышлар телибез!