Мандаринга бәя арта: 269 сум!

Россиядә  мандариннарга бәя арткан! Яңа ел бәйрәмнәре алдыннан  бу гадәти күренеш ди белгечләр. «Эвотор» компаниясе вәкилләре ноябрьдә мандарин  килограммы 164 сум тәшкил иткәнен хәбәр итә. Шулай итеп, бер елда  бәя арту  25% ка җиткән. «Руспродсоюз» мәгълүматларына караганда, күпләп сату бәясе уртача бер килограмм өчен 110 сум булган, узган ел  исә 90 сум тәшкил иткән.

Иң кыйммәтле мандариннар Перудан китерелә, уртача бәясе — 269 сум, иң арзаннары Абхазия һәм Грузиядән  - 131 һәм 103 сум.

Октябрь ахырында Роспотребнадзор Төркиядән Россиягә мандариннар кертүне туктатты. Бу Йогышлы авырулар килеп чыгу һәм таралуга юл куймас өчен эшләнде.

Фото: pixabay.com