Мөнир Рахмаевтан күптән көтелгән яңалык

Татар эстрадасының популяр артисты Мөнир Рахмаевның өйләнүе артистның тамашачылары өчен күптән көтелгән шатлыклы вакыйга булды. Хәзер инде яшь гаиләне тагын бер куаныч көтә, тиздән Мөнир Рахмаев әти булырга җыена. Җырчы бу хакта үзенең Инстаграм челтәрендә хәбәр итә.

«Тиздән Алла боерса. Рәхмәт, кадерлем! Рәхмәт җаным! Рәхмәт Аллаһыга», – дип яза артист сөекле хатыны белән төшкән фотосурәт астына.

Яшь гаиләне чын күңелдән котлыйбыз!