«Мондый спектакльнең татарда булганы юк иде әле»

К.Тинчурин исемендәге Татар дәүләт драма һәм комедия театрында бөек композитор Салих Сәйдәшевның тууна 120 ел тулганы уңаеннан «Сәйдәш. Йокысызлык» спектакленең премьерасы узачак. Кичә премьерага багышланган матбугат конференция узды. Биредә Тинчурин театры директоры Фәнис Мөсәгыйтов, пьеса авторы Луиза Янсуар һәм спектакльдә катнашучы артистлар: Резедә Сәләхова һәм Рөстәм Гайзуллин да катнаштылар.

«Бу спектакльдә Салих Сәйдәшевнең башындагы уйлары, аның карашы, халәте урын ала. Композиторның музеенда төзекләндерү эшләре әлегә бетмәгән, куеласы спектакльнең кайбер мизгелләре анда да булырга тиеш иде. Театр бинасындагы мохит тә икенче яктан ачылыр дип уйлыйм. Мондый спектакльнең татар сәхнәсендә булганы юк иде әле», – диде театр директоры Фәнис Мөсәгыйтов. 

Спектакль, чыннан да, яңа формада куелачак. Аның жанры – лабиринт, куючы режиссёры – Резеда Гарипова. Гадәти булмаган спектакль сәхнәдә түгел, ә театр бинасының төрле бүлмәләрендә уйналачак. Тамашачылар артистлар белән бер дулкында булып, аларны тоеп, якыннан күрә алачак. Шуңа да, әлеге спектакль нибары 15-20 тамашачы өчен генә каралган. 

Моннан тыш, спектакль тамашачыны тойгылар дөньясына чакыра һәм түбәндәге сорауларга җавап эзләргә этәрә: кем ул безнең өчен Сәйдәшев – легенда, символ, әллә онытылып барган дәверме?.. Тамашачы спектакльнең башыннан ахырына кадәр кеше кадере турында уйланачак.

Әгәр лабиринтка керергә әзер булсагыз, 16,17 һәм 18 декабрьдә Тинчурин театрына рәхим итегез!

Спектакль турында тулырак «Тиздән премьера» проекты кысаларында узган туры эфирының сакланылган язмасында белә аласыз. 

Иң мөһим һәм кызыклы язмаларны Татмедиа Telegram-каналында укыгыз


Ошый
1530
0
0
Комментарийлар (0)
Cимвол калды:
«Ходай сакласын»: Фирдүс Тямаев халыкны борчуга салган
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Минем Татарстан
  • Минем Татарстан
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы