Ренат Харис 100 мең сум премиясен Казандагы 175нче гимназия вахтерына биргән

Шагыйрь Ренат Харис Рәшит Ваһапов исемендәге Халыкара фестивальдә татар мәдәниятен үстергән өчен бирелгән 100 мең сум премиясен Казандагы 175 гимназия вахтеры Тәзкирә Әхмәдуллинага тапшырды, дип яза «Челнинские известия».

Шагыйрь кичә Казанның 175нче гимназиясендә булды. Ренат Харис батырлыгы өчен үз якташына рәхмәт әйтте. Алар икесе дә Ульяновск өлкәсендә туган, дип хәбәр итә басма.

Быел май аенда бу мәктәптә атыш аркасында балалар һәм укытучылар үлде. Атыш оештырган 19 яшьлек Илназ Галәвиев хәзер Петербургта тикшерү изоляторында утыра. Аңа төрле экспертизалар билгеләнгән.

Тәзкирә Әхмәдуллина кораллы егетне күргәч, беренче булып, хәвеф төймәсенә баса, полиция чакыра. Аннары уку йорты директоры тавыш көчәйткеч аша укытучыларга һәм укучыларга һөҗүм турында хәбәр итә һәм алар үз кабинетларына бикләнә, диелә бу хәбәрдә.

Чыганак: Татар-информ

Фото: Владимир Васильев

Иң мөһим һәм кызыклы язмаларны Татмедиа Telegram-каналында укыгыз


Ошый
390
0
0
Комментарийлар (0)
Cимвол калды:
Зөлфирәне Алмаз җәберли?
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Минзәлә театры Сабир Өметбаев бюстын аның туган авылына бүләк итте
Реклама
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы