Салават Фәтхетдиновның гаиләсе ишәйгән

Элвин Грей Салават Фәтхетдиновка тәвә, ягъни страус, кошы чебешләре бүләк иткән. «Гаиләң ишәюе белән, Салават Зәкиевич», – дип яза Радик инстаграмында.

Җырчы 5 тәвәне һәм тәвәнең йомыркасын тартмаларга салып, машинасында Салават Фәтхетдиновның өенә китереп биргән. «Якынча ярты ел элек мин Африка страусларын алып килергә вәгъдә иткән идем. Бүген, ниһаять, алып килдым. Аларның нинди булачакларын тизрәк күрәсе килә. Алар 2,8 метрга кадәр җитәргә мөмкин», – ди Элвин Грей.

Салават Зәкиевич тәвәләрне ошаткан:

– Үз гомеремдә мондый зур йомырка тотып караганым юк иде, – дип шатлыгы белән уртаклаша ул.