Татарстанда «Пушкинская карта» проекты гамәлгә ашырыла башлады

Агымдагы елның июнь аенда Россия президенты Владимир Владимирович Путин «Пушкинская карта» проектын игълан иткән иде. 1 сентябрьдән әлеге проект Татарстанда да гамәлгә ашырыла башлады. Бу хакта «Пушкинская карта» программасына багышланган матбугат конференциясендә ТР мәдәният министры Ирада Әюпова хәбәр итте.

«Пушкинская карта» кысаларында 14-22 яшь аралыгында булган яшьләр мәдәни чараларга бушлай керә алачак. Моның өчен махсус банк картасы бирелер дип планлаштырылган. Картага алдан ук өч мең салынган, киләсе елда аның номиналы биш мең булачак дип көтелә.

Проект кысаларында мәдәни чаралар исемлеге «Культура.рф» порталында урнаштырылачак. Бүгенге көндә биредә 80 оешма катнаша, аларның 25 – шәхси мәдәният оешмалары. «Пандемия чорында шәхси мәдәният оешмалары аеруча зыян күрде. «Пушкинская карта» – аларга ярдәм итә алучы корал», – дип фикерли ТР мәдәният министры.

Пресс-конференциядә Татарстанның атказанган артисты Ришат Төхвәтуллин да катнашты. Әйтергә кирәк, әлеге чара эстрада артистлары өчен дә файдалы булыр иде. «Минем концертлар татар мәдәниятенә пропаганда ясый һәм тәрбияви характер алып бара. Миңа калса, артист халыкны тәрбияләргә һәм үзе артыннан алып барырга тиеш», – дип фикерли җырчы. Алга таба әлеге проектка эстрада концертлары да кертелер дигән өметтә калабыз.

Иң мөһим һәм кызыклы язмаларны Татмедиа Telegram-каналында укыгыз


Ошый
595
0
0
Комментарийлар (0)
Cимвол калды:
Казанның Җәмигъ мәчете төзелешенә нигез ташы
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Минзәлә театры Сабир Өметбаев бюстын аның туган авылына бүләк итте
Реклама
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы