Зәмирә Рәҗәпова: «Гарьләнеп елыйсым килде»

Кичә «Россия 1» телеканалында Гүзәл Яхина романы буенча төшеререлгән «Зөләйха күзләрен ача» фильмын күрсәтә башладылар. Социаль челтәрләр бу фильм турындагы фикерләр белән мыжлап тора. Алып баручы Зәмирә Рәҗәпова да үз фикерен белдерде.

Сериал Динә Гарипова башкаруындагы «Ай былбылым» җыры белән башланып китә. Зәмирәгә иң ошаганы да шул гына булган икән. Чөнки Зөләйханың ире Мортазаны күргәч, татарлар дөньяга таныла инде дип сөенгән алып баручының хыяллары чәлпәрәмә килә. Анда сыерны кыйнау күренеше бар, хайван кызгандыра, аннан да бигрәк фон буларак шушы җырның яңгыравы берничек тә башка сыймый, дигән фикердә Зәмирә. Аның фикеренчә, татар ирләре бит андый түгел, аларны без Мәһдиев, Гыйләҗев романнары аша башкача дип беләбез. Электән кулакларны вәхши буларак күрсәтергә тырышалар, чынлыкта бит алар барысына да үз көчләре белән ирешкән кешеләр. Зөләйханың кайнанасын ничек сурәтләүләре дә ошамый Зәмирә Рәҗәповага, кайнаналар усал булса да, алар ак яулыктан, намазлы булганнар, монда күрсәтелгәнчә, бер баласы өчен башкаларын күкрәк сөтеннән мәхрүм итмәгәннәр. Шулай ук интим күренешләр дә чиркангыч. Ә менә актерлар уйнавы, декорацияләргә сүз әйтеп булмый, дигән фикердә Зәмирә Рәҗәпова.

Ә сез дуслар, карадыгызмы фильмны? Нинди фикерләр уятты ул сездә? Әле бит беренче генә серияләре, алга таба ни булыр.

Иң мөһим һәм кызыклы язмаларны Татмедиа Telegram-каналында укыгыз


Ошый
706
0
1
Комментарийлар (0)
Cимвол калды:
Гөлназ Асаеваның хәле начарайган
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы