Якыннан килеп кара

«Шашкан бабай»

К.Тинчурин исемендәге Татар дәүләт драма һәм комедия театры артистыАлмаз Фәтхуллин Рольне аңларга, аңа кереп китәргә пьесаны уку (бездә аны читкалар дип атыйлар), репетицияләр булыша. Режиссер...

К.Тинчурин исемендәге Татар дәүләт драма һәм комедия театры артистыАлмаз Фәтхуллин

Рольне аңларга, аңа кереп китәргә пьесаны уку (бездә аны читкалар дип атыйлар), репетицияләр булыша. Режиссерның күрсәтмәләрен үтәргә, фикерләренә колак салырга кирәк. Аннан актер эшендә күзәтү зур әһәмияткә ия. Мин тудырган Бабай образында гына да ике төрле булырга туры килде. Спектакльнең беренче өлешендә ул – «чын бабай», ягъни салмак хәрәкәтле, начар күрә торган, ә икенче өлешендә үз дәрәҗәсен белгән, туры сүзле, хәрәкәтчән кеше.

Рольне тулысынча ачу өчен артист белән герой арасында холык охшашлыгы булу зарур түгел, тик охшашлык булырга тиеш. Режиссер теге яисә бу рольгә актерлар сайлаганда да һәрбер актерның холык-фигылен истә тотып эш итә бит.

Спектакль – катлаулы, фәлсәфи. Һичшиксез бу режиссер – Рәшит Заһидуллинның уңышы. Жанры буенча абсурд комедиясе дип атала. Хәзерге заманда да абсурдта яшибез кебек. Тормышта һәрвакыт шулай: элек абсурд саналган әйберләр бүген инде гадәти хәлгә, ә элек табигый булган нәрсәләр бүген исә, киресенчә, абсурдка әйләнеп бара.

Следите за самым важным и интересным в Telegram-каналеТатмедиа